दहावी-बारावीच्या परिक्षांचे वेळापत्रक जाहीर;२९ एप्रील ते २० मे दरम्यान होणार परिक्षा
एप्रिल-मे २०२१ मध्ये महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळामार्फत घेण्यात येणाऱ्या उच्च माध्यमिक प्रमाणपत्र (इ.१२ वी) व माध्यमिक शालान्त प्रमाणपत्र (इ. १० वी) लेखी परीक्षांचे संभाव्य वेळापत्रके मंडळाच्या अधिकृत संकेतस्थळावर दिनांक १६/०२/२०२१ पासून उपलब्ध करून देण्यात आलेली होती. सदर वेळापत्रकांबाबत सुचना असल्यास मंडळाकडे दिनांक २२/०२/२०२१ पर्यंत लेखी स्वरूपात मागविण्यात आलेल्या होत्या. त्यानुसार संघटना, पालक, शिक्षक व विद्यार्थी यांचेकडून प्राप्त झालेल्या सूचनांचे अवलोकन करून, इ.१२वी व इ.१०वी ची संभाव्य वेळापत्रकेच अंतिम करण्यात आलेली आहेत. अंतिम वेळापत्रकानमार लेखी परीक्षा खालील कालावधीत आयोजित केलेल्या आहेत.
लेखी परीक्षा कालावधी उच्च माध्यमिक प्रमाणपत्र परीक्षा (सर्वसाधारण व द्विलक्षी विषय) व उच्च माध्यमिक व्यवसाय अभ्यासक्रम (पुनर्रचित व जुना अभ्यासक्रम) शुक्रवार दि. २३ एप्रिल २०२१ ते शुक्रवार दि. २१ मे २०२१
माध्यमिक शालान्त प्रमाणपत्र परीक्षा गुरुवार दि. २९ एप्रिल २०२१ ते ) गुरुवार दि. २० मे २०२१ उपरोक्त कालावधीमध्ये आयोजित केलेली आहे.
काय असेल दहावीचा वेळापत्रक?
| दिनांक आणि वार | वेळ | विषय व विषय सांकेतांक | |
| गुरुवार २९ एप्रील २०२१ | सकाळी १०.३० ते दुपारी १.३० | प्रथम भाषा (०१-मराठी) | |
| मंगळवार ०४ मे २०२१ | सकाळी १०.३० ते दुपारी १.३० | द्वितीय व तृतीय भाषा (१५-हिंदी) | |
| गुरुवार ०६ मे २०२१ | सकाळी १०.३० ते दुपारी १.३० | प्रथम भाषा (०३-ईंग्रजी) | |
| शनिवार ०८ मे २०२१ | सकाळी १०.३० ते दुपारी १.३० | गणित भाग १ (बीजगणित) | |
| सोमवार १० मे २०२१ | सकाळी १०.३० ते दुपारी १.३० | गणित भाग १ (भुमिती) | |
| बुधवार १२ मे २०२१ | सकाळी १०.३० ते दुपारी १.३० | विज्ञान आणि तंत्रज्ञान भाग १ | |
| शनिवार १५ मे २०२१ | सकाळी १०.३० ते दुपारी १.३० | विज्ञान आणि तंत्रज्ञान भाग २ | |
| सोमवार १७ मे २०२१ | सकाळी १०.३० ते दुपारी १.३० | सामाजिक शास्त्र भाग १ (ईतिहास व राज्यशास्त्र) | |
| बुधवार १९ मे २०२१ | सकाळी १०.३० ते दुपारी १.३० | सामाजिक शास्त्र भाग २ (भुगोल) |
