कोरोना पासून वाचायचं ? तर नियमित करा ‘जलनेती’….

गेल्या एका वर्षापासून आपण सर्वजणच कोरोना नामी रोगाला त्रस्त झालेले आहोत. कोरोना(covid19) हा संसर्गजन्य आजार आहे. कोरोना विषाणू नाक, घशात मुक्काम करतो. त्यात वाढ झाल्यानंतर विषाणू शरीराच्या इतर भागांमध्ये पसरतो.

जलनेतीची पद्धत
१.नेती पात्रात पाणी घेऊन मान थोडी उजव्या बाजूला वळवून उजव्या नाकपुडीने श्वास घेत नेती पात्रातले पाणी हळू हळू उजव्या नाकपुडीत सोडावे.
२. जलनेती करताना तोंडावाटे शरीरात हवा घ्यावी. पाणी डाव्या नाकपुडीतून आपोआप बाहेर पडेल.
३. त्यानंतर मान डाव्या बाजूला वळवून डाव्या नाकपुडीने श्वास घेताना नेती पात्रातले पाणी हळू हळू डाव्या नाकपुडीत सोडावे. ही प्रक्रिया करताना तोंडावाटे शरीरात हवा घ्यावी. पाणी उजव्या नाकपुडीतून आपोआप बाहेर पडेल.
जलनेतीचे फायदे
१.सर्दी असो वा नसो जलनेती नियमित करणे उपयुक्त ठरते.
२.जलनेती केल्याने नाकपुड्या स्वच्छ ठेवण्यात उपयुक्त आहे.
३.नाकाशी संबंधित अनेक विकारांवर मात करण्यासाठी जलनेती लाभदायी आहे.
४. कानाशी संबंधित काही विकारांवरही जलनेती लाभदायी ठरते.
५.जलनेती केल्यानंतर कपालभाती करणे लाभदायक आहे.

आपण नियमित व्यायाम आणि योगा केल्याने आपली रोगप्रतिकारक शक्ती वाढते. योगा मधीलच एक ‘जलनेती’ ही प्रक्रिया कोरोनावर मात करण्यासाठी उपयुक्त असल्याचे समोर आले आहे. नियमित जलनेती करणाऱ्या अनेक नागरिकांना कोरोना होत नसल्याचे अभ्यासकांनी सांगितले.जलनेती हा श्वसन विकारांना दूर करण्यासाठी चा सोपा उपाय मानला जातो. यासाठी नेती पात्राची अवशक्यता असते. या पात्रात पिण्यायोग्य शुद्ध पाणी अथवा कोमट पाणी घेऊन जलनेती केली जाते. अनेक वेळा पाण्यात मानवी अश्रू एवढं खारट मीठ घालतात आणि त्या पाण्याने नेती करतात. नेती पात्रात घेतलेले पाणी एका नाकपुडीत सोडून ते पाणी दुसऱ्या नाकपुडीतून सहज बाहेर यावे यासाठी मान तिरपी केली जाते. ही प्रक्रिया नियमित केल्याने सर्दी,कान,नाक, घश्याचे अनेक आजार दूर होतात. नेती प्रक्रियेत श्वास घेताना एका नाकपुडीत पाणी सोडले जाते. नाकपुडीत पाणी सोडताना तोंडावाटे हवा घ्यावी यासाठी तोंड उघडे ठेवावे.