China Antitrust Law: अलिबाबा ग्रुपवर शी जिनपिंग सरकारने ठोठावला २.७८ अब्ज डॉलर चा दंड
जगातील सर्वात मोठी ई-कॉमर्स कंपनी अलिबाबा ग्रूपवर शी जिनपिंग सरकार ने १८.२ अब्ज युआन ( २.७८ अब्ज डॉलर) दंड ठोठावला आहे. बाजारातील पदांचा गैरवापर केल्याबद्दल कंपनीला दंड ठोठावण्यात आला आहे. सरकारची ही कारवाई अलिबाबावरील आतापर्यंतची सर्वात मोठी कारवाई मानली जात आहे.
वस्तुतः जॅक मा यांची कंपनी, अलिबाबा याने मक्तेदारीविरोधी नियमांचे उल्लंघन केल्याचा सरकारचा आरोप आहे. असेही म्हटले जाते की कंपनीने आपल्या मोठ्या क्रेडिटचा बाजारात गैरवापर केला आहे. यापूर्वी, जॅक मा यांनी गेल्या वर्षी सरकारच्या धोरणांवर टीका केली होती, त्यानंतर जॅक मा चीनी सरकारच्या निशाण्याखाली आले आहे.
चीन सरकारने जॅक माची कंपनी अलिबाबावर लादलेला दंड कंपनीच्या २००९ च्या एकूण महसुलाच्या चार टक्के इतका आहे.
मागील वर्षी ऑक्टोबरमध्ये जॅक मा यांनी चीनी सरकारवर टीका केली होती, त्यानंतर काही महिने ते बेपत्ता झाले होते. या घटनेनंतर जॅक मा सार्वजनिक कार्यक्रमात चीनमध्ये कुठेही दिसले नाही. मात्र काही महिन्यांनंतर जॅक मा एका कार्यक्रमात दिसले. त्यानंतर त्याच्या गायब झाल्याची चर्चा संपुष्टात आली.
२४ ऑक्टोबर २०२० रोजी एका सार्वजनिक व्यासपीठावरुन जेव्हा चीनच्या नियामक यंत्रणेच्या कथित पक्षपातीपणावर जॅक मा यांनी कडक टीका केली तेव्हा जॅक माचा त्रास सुरू झाला. त्यांनी त्यात चिनी अध्यक्ष शी जिनपिंग याच्यावर प्रश्न उठवले होते. जॅक मा यांच्या या सार्वजनिक टीकेला चीनचे वर्चस्व असलेल्या आर्थिक क्षेत्रासाठी एक आव्हान म्हणून पाहिले गेले.
