फास्टॅग केवळ आमदारासाठीच आहे का ? : देवेंद्र फडणवीस

अर्थसंकल्पीय अधिवेशनाच्या तिसऱ्या दिवशी सत्ताधारी आणि विरोधक एकमेकांवर निशाणा साधताना दिसत होते. दरम्यान, सभागृहात घडलेल्या एका घटनेमुळे सभागृहात हशा पिकल्याचे पहायला मिळाले.       

सभागृहामध्ये हंगामी अध्यक्ष झिरवळ यांनी फास्टिंग असा चुकिचा शब्दवापर करत एकच हशा पिकवला.अध्यक्षाच्या या सुचनेवर विरोधी पक्षनेते यांनी टोला लगावला. विधानसभेच्या सर्व सदस्यांना फास्टॅगचे मोफत वाटप करण्यात येणार आहे अशी सुचना वाचताच फडणविस आक्रमक झाल्याचे पहायला मिळाले.सर्व सुचना घाईत वाचत झिरवळ यांनी विधिमंडळाच्या परिसरात आमदारांचा फास्टॅग लावण्याची सोय करण्यात आली आहे. त्याचा लाभ घ्यावा, असे उपहासात्मक उद्गार काढले.त्यावर विरोधी पक्ष नेते देवेंद्र फडणवीस यांनी फास्टॅग गाड्यांना लावायचा की आमदारांना, हे स्पष्ट करा’ अशी टिप्पणी केली. असे उद्गार काढताच सभागृहात एकच हशा उडाला.

महाराष्ट्राच्या अर्थसंकल्पीय अधिवेशनाचा दुसरा दिवसही वादळाचाच ठरला. तिसऱ्या दिवशी भाजप नेते शेतकरी नुसकान भरपाई मुद्द्यावरून आक्रमक झालेले पाहायला मिळाले.अधिवेशनाच्या तिसऱ्या दिवशी राज्यपाल भगतसिंग कोश्यारी यांच्या अभिभाषणावर चर्चा होणार आहे. यावेळी फडणवीस यांनी अतिवृष्टी आणि अवकाळी पावसाने झालेल्या नुसकान भरपाई चा मुद्दा मांडला शेतकऱ्यांची मदत आणि नियमित कर्जाची परतफेड करणाऱ्या शेतकऱ्यांना प्रोत्साहन अनुदान देण्याविषयी विधानसभा अध्यक्षांनी निर्देश देण्याचे आव्हान केले.त्यावर अध्यक्ष नरहरी झिरवाळ यांनी सरकार काळजी घेईल असे म्हटले त्यावर सरकार काळजी वागून आहे, असा टोला देवेंद्र फडणवीस यांनी लावला.