जागतिक आरोग्य दिन

१९४८ मध्ये, डब्ल्यूएचओने प्रथम जागतिक आरोग्य विधानसभा आयोजित केली . विधानसभेने दर वर्षी ७ एप्रिल हा दिवस १९५० पासून जागतिक आरोग्य दिन म्हणून साजरा करण्याचा निर्णय घेतला. जागतिक आरोग्य दिन हा डब्ल्यूएचओच्या स्थापनेच्या निमित्ताने आयोजित केला जातो आणि जागतिक आरोग्यासाठी प्रत्येक वर्षी या महत्त्वाच्या विषयाकडे लक्ष वेधण्यासाठी संस्थेने ही संधी म्हणून पाहिले जाते . डब्ल्यूएचओ एखाद्या विशिष्ट थीमशी संबंधित आंतरराष्ट्रीय, प्रादेशिक आणि स्थानिक कार्यक्रमांचे आयोजन करतो. जागतिक आरोग्य दिनाचे सार्वजनिक आरोग्यविषयक प्रश्नांमध्ये स्वारस्य असणारी विविध सरकारे आणि स्वयंसेवी संस्था मान्य करतात, जे ग्लोबल हेल्थ कौन्सिल सारख्या माध्यमांच्या अहवालांमध्ये त्यांचे कार्यकलाप आयोजित करतात आणि त्यांचे समर्थन दर्शवितात.. 
आजच्या दिवशी जागतिक आरोग्य संघटनेतर्फे जगभरात वेगवेगळे कार्यक्रम आयोजित केले जातात. सुरुवातीला काही मोजक्या देशांत हा दिवस साजरा केला जायचा. आता जगभरातील बहुतांश देशात जागतिक आरोग्य दिवस साजरा केला जातोय. हा दिवस साजरा करताना दरवर्षी एक खास थीमचे आयोजन करण्यात येतंय. या वर्षी जागतिक आरोग्य दिवस साजरा करताना ‘एक निष्पक्ष, स्वस्थ जगाची निर्मिती’ ही थीम आहे. 
जगावर आज कोरोनाचे संकट आले आहे. अनेक देशात कोरोनामुळे मृत्यू वाढत आहेत. काही मागास देशांत अजूनही कोरोनाचे लसीकरण सुरू झाले नाही. कोरोनाच्या काळात जागतिक आरोग्य संघटनेने कोरोना लसीकरणात भेदभाव होऊ नये म्हणून मोठं काम केलंय.
कोरोना व्यतिरिक्त आजही जगभरातील लाखो लोक अनेक जीवघेण्या आजारांशी झुंजत आहेत. यामध्ये मलेरिया, हैजा, टीबी, पोलिओ, कुष्ठरोग, कॅन्सर आणि एचआयव्ही एड्स यांचा समावेश होतोय. जगभरातील लोकांना सामाजिक, शारीरिक आणि मानसिकदृष्ट्या स्वस्थ बनवणे  आणि जागरुकता निर्माण करणे हा जागतिक आरोग्य दिवस साजरा करण्यामागचा मुख्य उद्देश आहे. 
जागतिक आरोग्य दिवस साजरा करताना जगभरातील लोकांनी आपल्या आरोग्याची देखभाल करणे तसेच आपल्या आरोग्याविषयी जागरुक राहणे यासाठी प्रयत्न केले जातात. जागतिक आरोग्य संघटनेच्या सोबतच इतर संघटनाही या क्षेत्रात काम करतात, जागतिक आरोग्य संघटनेच्या कामात मदत करतात.