बिटकॉइनची उंच भरारी; पहिल्यांदाच गाठला ६१०७४ डॉलरचा उच्चांक

जगातील सर्वात मोठी आणि ख्यातनाम व्हर्च्युअल क्रिप्टोकरन्सी बिटकॉईन शनिवारी पहिल्यांदा ६.६४% वधारून ६१,०७३.७१ डॉलरवर गेली.

४ जानेवारी रोजी बिटकॉइनने या वर्षीचा नीचांक २७,७३४ गाठला होता. या निचांकाच्या १२०.२ टक्क्यांनी वाढत बिटकॉइन आपली विक्रमी धावा सुरू ठेवतोय.

गेल्या वर्षी चौथ्या तिमाहीत १७० टक्क्यांनी वाढून जवळपास २९ हजार डॉलर्सपर्यंत पोहोचल्यानंतर, बिटकॉइनने पुढच्या सात दिवसांत ४० हजार डॉलर्सवर उडी घेतली.

नवीन उच्चांक गाठायला केवळ एका महिन्यापेक्षा थोडा अधिक वेळ लागला.

संस्थात्मक व्याज आणि सट्टेबाज मागणीच्या वाढत्या चिन्हांच्या परिस्थितीतदेखील मागच्या वर्षात बिटकॉइन जवळपास १ हजार टक्क्यांनी वाढला आहे.

बिटकॉइनचे अधिवक्ते क्रिप्टोकरन्सीला चलनवाढ आणि महागाईच्या विरुद्ध सकारात्मक काम करू शकणारे व सोन्यासारखे मूल्य असलेले मानतात.

इतरांचा असा युक्तिवाद आहे की २०१७-२०१८ साली झालेल्या “बूम अँड बस्ट” चक्राप्रमाणे अर्थात एकदम किंमत वाढून ती गडगडत खाली येणे असे रूप ही झपाट्याने होणारी बिटकॉइनची वाढ घेईल.

सध्याची ही वेगवान वाढ वेगळी का आहे याकडे अधिक व्यापकपणे बघावे असे उद्योगातील सहभागी आणि काही आर्थिक रणनीतिकार सांगत आहेत.

याच्या समर्थनाचे उदाहरण म्हणजे टेस्ला इन्क. बिटकॉइनमध्ये १.५ अब्ज डॉलर्सची गुंतवणूक केली असून, मुख्य कार्यकारी अधिकारी इलॉन मस्क यांनी सोशल मीडियावर डिजिटल मालमत्तेस मान्यता दिली आहे.

गॅलेक्सी डिजिटल होल्डिंग्ज लिमिटेड चालवणारे अब्जाधीश गुंतवणूकदार माइक नोव्होग्राटझ म्हणाले की, वर्ष अखेरीस बिटकॉइन १ लाख डॉलर्सपर्यंत पोहोचू शकेल.

“स्टिम्युलस चेक्स, इलॉन मस्कचे अथक समर्थन, शॉर्ट सेलर्सचा सहभाग आणि वीकेंड लिक्विडिटी या सगळ्यामुळेच बिटकॉइन ६० हजार डॉलर्सपर्यंत पोहोचला” असे ओडा कॉर्पचे वरिष्ठ बाजार विश्लेषक एड मोया म्हणाले.